Azarenka a la chuai lo

World number 1 hlui Victoria Azarenka chu tun hnai kum hnih chhung hliam vangin inkhel tam thei lo mah se kuminah ṭha takin a lo kir leh a, Ningani khan Danka Kovinic hnehin Australian Open second round a paltlang.

Kum 2012 leh 2013 Australian Open cham­pion Azarenka hian darkar khat chhungin 6-1, 6-2 in hnehna a chang. Third round-ah unseeded Japanese tleirawl Nao­mi Osaka nen an in­hma­chhawn leh dawn a ni.

Kum 26-a upa Aza­renka chuan, "Australian Open ka khel leh thei hi ka lawmin nuam ka ti takzet. Hliamin min tih buai fo avangin ka inkhel tam thei lo a, ball ka vuak dawn apiang mai khan ka vuak hnuhnun ber tur ni awm maia ulukin ka vaw ṭhin," a ti.

Rod Laver Arena-a hmei­chhe single inkhel dangah Ana Ivanovic chuan Anastasija Sevas­tova chu 6-3, 6-3 a hnehin third round a inhlangkai ve bawk a, seeded pa­thum­na Garbine Muguru­za pawhin 6-4, 6-2 in Kirs­ten Flipkens a hneh bawk.