Real leh Lewandowski an inhnimhnai

Bayern Munich president Franz Beckenbauer chuan an striker Robert Lewandowski chu Real Madrid-in an duh thu sawiin Polish striker hi Spanish club lianah hian a la kal a rin thu a sawi.

Lewandowski hian kum 2014 khan Borussia Dortmund aṭangin Bayern hi free-transfer in a zawm a, German champion tan hian match khata goal 1.5 zel khung ang a ni.

Premier League club-te nen pawha sawizawm Lewandowski chungchang hi sawiin Beckenbauer chuan, "Robert Lewandowski hi Real Madrid pan mai thei din-hmunah a ding reng a ni," a ti.

Hetihlai hian Beckenbauer chuan tun hnaia chhuak tur anga an sawi Thomas Muller chu Ger-man club-ah a ngheh thu sawiin, "Muller hian Bayern-a cham chhunzawm zel a duh thu a sawi a, fan-te chuan an duh lehzual phah dawn a ni," tiin December thlaa 2021 thleng Allianz Arena-a cham tura contract thar ziaktu Germany international chu a fak.