Spain lamah Crespo a kir

Aston Villa defender Jose Angel Crespo chuan season tawp thleng loan-a khel turin La Liga club Rayo Vallecano a zawm.

Spanish left back hian July thla khan Villa hi Cordoba aṭangin a zawm a, mah se Tim Sher-wood-a hnuaiah match hnih chiah a inlan.

Kum 28-a upa defender hi Spain-ah erawh a mikhual lo hle. Spanish club langsar Sevilla aṭanga a career ṭanin kum 2005-2010 chhung khan Sevilla-ah hian hun hmangin Racing Santander-ah loan-in a khel bawk a, Italian club Bologna leh Verona tan a lo khel tawh bawk.