Casillas chhantu Vicente Del Bosque

Spain boss Vicente del Bosque chuan goalkeeper te chuan tihsual an neih theih vek thu leh Iker Casillas chu Euro 2016 khel thei tura a la intuaihriam theih a rin thu a sawi.

Kum 2014 FIFA World Cup-ah khan Casillas a che fuh lo hle a, Netherlands-in 5-1 a an sawp ṭum leh 2-0 a Chile an hneh loh ṭumin a mualpho. Tunkar tawp Portuguese league-ah Spanish keeper hi chesual lehin holam takin Vitoria S.C. lakah goal a chhuah a, a club khelhna Porto-in a goal chhuah hi an chak loh phah.

Spain hian European Cham-pionship-ah keeper duhthlan tur an nei ṭha a, Manchester United duhlai David de Gea leh Casillas te hian khelhna hmun an inchuh tura ngaih a ni.

Del Bosque chuan, "Casillas hian tihsual a nei fo a, a pawimawh zawk chu Euro-ah hian ṭha takin a la khel thei ang tih hi a ni. Keeper zingah tihsual nei lo an awm lo a, famkim a awm theih loh," tiin a player chu a la chhan hle.

Kum 34-a upa Casillas hi kum 1996 aṭang khan age level-ah Spain aiawhin a inlan ṭan a, kum 2000
aṭang khan senior team tan inlan ṭanin ram tan match 165 a khel tawh a ni.