Coppa Italia Juventus-in semifinal an lut

Coppa Italia cham-pion lai Juventus chuan an title humhim turin kawng dik an zawh zel. Nilaini zan quarter final inkhelah Stephan Lichtsteiner goal khat khung hmangin Lazio an hneh.

Lazio khelmual Sta-dio Olimpico-a inkhelah Lazio hian forward Balde Keita hmangin hmahruaina hun ṭha an nei a, mahse kum 20-a upa Keita hian hnai tak aṭangin a thlawh over hlauh. Minute 65-naah Lazio defender hlui Licht-steiner chuan Juve tan he inkhela goal awm-chhun chu a khung a ni.

Coppa Italia semifinal hi karleh Nilai zan khian khelh chhunzawm a ni dawn a, Juventus hian Inter Milan an mikhual ang.

Juventus manager Mas---similiano Allegri chuan, "Champion ni tur chuan tem ṭha paltlang a ngai a, zaninah pawh khan team ṭha ber pawl kan hneh. Tunah chuan kar tawpa Roma nen league match kan khelh tur kan ngaihtuah hmasak phawt a ṭul a, chumi hnuah Cup inelna lamah rilru kan seng leh ang," tiin a sawi.

Juve hian tun hnaiah a zawnin Seria A match 10 chhung hnehna an chang zawn tawh a, kar tawp hian an elpui AS Roma nen an inhmachhawn dawn.