Mirza leh Hingis ten second round lut

Indian tennis ace Sania Mirza leh a ṭanpui Swiss Martina Hingis ten chak result an chhawm nung zel. Nimin khan Mariana Duque leh Teliana Pereira te ṭangdun chu darkar khat leh minute ruk chhungin 6-2, 6-3 in an hneh a, Australian Open hmeichhe double second round an inhlangkai.

Indo-Swiss duo hian kar hmasa khan Sydney International-ah champion-in chak zawn rei world record an lo siam tawh a, tunah hian a zawnin match 31 chhung an tlawm tawh lo a ni.

Mirza leh Hingis te hi nikum March thla a ṭang khan an ṭangdun ṭan a, nikum khan Grand Slam pahnih Wimbledon leh US Open-ah te an champion.