Srikanth leh Sindhu ten quarterfinal lut

Indian shuttler Ki-dambi Srikanth leh PV Sindhu te chuan Malaysia Masters Grand Prix khelh mekah Ningani khan quarterfinal an inhlangkai.

Seeded pakhatna hian inkhel inhnehtawk takah Japan shuttler Kaori Imabeppu chu 21-13, 13-21, 21-14 in a hneh a. Indonesia shuttler Lin-daweni Fanetri a hma-chhawn zui leh ang.

Sindhu hian 2012 World Championship leh 2013 Japan Open-ah te khan Kaori hi a lo hneh tawh bawk.

Mipa single seeded pahnihna Srikanth hi India shuttler zinga beisei awm ber a ni mek. Nikum khan India Super Series leh Swiss Open-ah te hlawh-tlinna a chang a, ani pawh hian quarterfinal lut turin Boon-sak Ponsana chu 21-17, 21-10 in a hneh ve bawk.

Inkhel dangah seeded 10-na Ajay Jayaram pawhin hnehna a chang a, Indian shuttler hian Zulfadli Zulkiffli lakah 11-21, 21-8, 22-20 in hneh-na a chang ve bawk a ni.