Premier League Thlirlawkna Zaninah Liverpool, Spurs leh Leicester an inlan dawn
FA Cup third round a chak hlim Liverpool leh Tottenham Hotspur-te zaninah Premier League khel turin an inlan dawn a, Spurs laka tlawm hlim Leicester City an inlan dawn bawk.
Liverpool leh Tottenham hi chak result nei hlim an nih avangin an phur ang a, Leicester manager Claudio Ranieri-a'n FA Cup-a Spurs an hneh loh zawhah an ngaih pawimawh ber chu Premier League a nih thu a sawi miau avangin zanin an inkhel a hmuhnawm leh dawn.
Norwich vs Liverpool
Zanin dar 6:15-ah Liver-pool-in Norwich City an lenchilh dawn a, tun hmaa team pahnih lo intawn tawhna thlir letin English club lian hi chak zawk ni tura beisei an ni. Team pahnih an intawn hnuhnung 11-ah Reds-in vawi kua hnehna an chang a, vawi hnih an inhnehtawkpui.
Mahse, Liverpool hian ma-nager thar Jurgen Klopp an lakluh hnuah pawh an beisei ang result Premier League-ah an hlawh chhuak hleithei lo a, khualmuala an league match hnuhnung paliah chak hmel an hmu miah lo. Zaninah team tenau lakah insiamṭhatna hun remchang an nei dawn.
Hetihrual hian Norwich City hi zuam ngawt chi an ni bik lo. An khelmual Carrow Road-a inkhel an hmachhawn hnuhnung pangaah tlawm hmel an hmu lo. Vawi thum a chak zawkah ṭangin vawi hnih an khingpuite an inhnehtawkpui a, vawi thum hnehna an chan
ṭum hian goal an chhuah miah lo bawk - goal khung harsat Liverpool tan hriat nuam a ni lo.
Norwich hian league match an hmachhawn hnuhnung pa-rukah vawi thum chak hmel an hmu a, vawi thum an tlawm thung. Old Trafford-a Man-chester United hnehtu an nih miau avangin Reds tan zuam ngawt chi an ni lo ang.
Palace khelmualah Spurs
Tottenham-in Premier Lea-gue lamah season duhawm tak an hmang mek a, FA Cup-ah fourth round lut turin league lama an chunga awm Leicester City an hneh bawk. Zaninah dar 8:30-ah Crystal Palace hmachhawn turin Selhurst Park an leng lut dawn.
Crystal Palace hian Spurs an ngam lo hle. League match-a an inhmachhawn hnu-hnung pangaah match li chhung chu Spurs goal lamah an khung miah lo. Palace hian season
ṭan tir lamah beisei phak bakin khel mah se tun hnaiah an talbuai a, an league match hnuhnung parukah vawi khat chiah chakin vawi thum an tlawm a, vawi hnih an khingpuite an inhnehtawkpui.
Tottenham-in khualmuala inkhel an hmachhawn hnu-hnung pakuaah tlawm hmel an hmu miah lo. Vawi li chak zawkah ṭangin vawi nga an khingpuite an inhnehtawkpui a ni. League match an hmachhawn hnuhnung parukah vawi li chak zawkah ṭangin vawi khat an tlawm a, vawi khat an khingpuite an inhnehtawkpui thung.
Stoke mikhual tur Foxes
Tun season-ah beisei phak bakin Leicester City an khel
ṭha a, Premier League table-ah pahnihna dinhmun an luah mek. Mahse, Foxes hi tun hnaiah an player ṭhaten beisei an phak loh avangin a hnungtawlh zawngin an kal a, zanin dar 8:30-a an inkhel tur hi an tan insiam-
ṭhatna remchang a ni.
Italian manager Ranieri-a'n FA Cup-a Spurs an hneh loh
ṭumin Premier League hre ranin a player pawimawhte bench-ah a dah a, zaninah an squad neih ṭhat dan berin Stoke an hmachhawn a rinawm.
Foxes hian an khelmual an hmang thiam hle. Premier League match an hmachhawn hnuhnung 13-ah vawi riat hnehna an chang a, vawi khat tlawmin vawi li an khingpuite an inhnehtawkpui.
Stoke City-in inkhel an hmachhawn hnuhnung paruakah vawi thum hnehna changin vawi hnih a tlawm zawkah an ṭang a, vawi khat an khingpuite an inhnehtawkpui. Mark Hughes-a enkawlna hnuaia khel Stoke hi Manchester United leh Everton an hneh hnua Arsenal inhneh-tawkpui thei an nih avangin dah hniam chi an ni lo ang.