Chelsea defender Djilobodji a chhuak

Premier League cham--pion Chelsea chuan season ṭan dawna pound maktaduai 4-a an lei defender Papy Djilobodji chu season tawp thlenga Werder Bremen-a khel turin loan-in an chhuahtir.

Kum 27-a upa defender hian French club Nantes
aṭanga Stamford Bridge a pan hnuah khelhna hmun a chang hleithei lo a, London club tan hian vawi khat chiah a la inlan. League Cup-a Walsall 4-1 a an sawp ṭumin bench
aṭangin a tlan lut ve a ni.

Senegal international hian Stamdford Bridge-a cham turin kum 2019 thleng contract a nei a, khelhna hmun tam zawk a chan theih beiseiin Chelsea ang thoa league table mawng lama talbuai Bundesliga club Bremen hi a zawm ta a ni.