Neuer hma hun a chiang lo

Bayern Munich goal-keeper Manuel Neuer chuan engtik hunah emaw chuan rilru dang pua hmun hran a la pan thut theih thu a sawi.

Germany inter-na-tional hian kum 2011 July thla khan Schalke aṭang-in Bayern hi a zawm a, Bun-desliga title pathum bakah Champions league nomawi pawh a chawi tawh.

Kum 29-a upa Neuer chuan, "Bayern Munich-ah hian nuam ka tiin ka hlim em em a, amaherawhchu he hmunah hian inkhelh ka chawlhsan thlengin ka awm ang tih ka sawi lawk thei lo. Mahse, Allianz Arena-ah hian 2019 thleng contract ka nei a, tunah hian 2016 January chauh a la ni thung," a ti.

Bundesliga thlasik chawlh a zo tawh a, nizan khan khelh ṭan niin Bayern hi Hamburger khelmualah an leng lut. League hmahruaitu Bayern hian tunhnaiah a zawnin kum thum chhung league title an la tawh a, a vawi li nana champion leh turin beiseina an nei sang leh tawh hle.

Tun dinhmunah Ba-yern leh an hnuaichiaha awm Borussia Dortmund te hi point riatin an inthlau mek a, mahse nizan inkhel leh zanin dar 11:00-a Monchengladbach khel^-mualah Dortmund leng lut result a zirin an in-thlauh-na hi a danglam thei dawn a ni.