Juve-in league kan ngai pawimawh - Bonucci

Juventus defender Leonardo Bonucci chuan Champions League leh Coppa Italia-ah te la dam mah se Serie A an la ngaihpawimawh thu a sawi.

Juve hian season bul ṭan ṭha lo mah se tun hnaiah an insiam ṭha tawh a, league match 10 chhung hnehna chang zawn tawhin hmahruaitu Napoli chu point hnih chiahin an phak lo leh tawh.

Kum 38-a upa Bonucci chuan, "Tunah hian league table chung berah kan awm lo a, keini aia point hmu hnem zawk Napoli hnuaiah kan awm. Kan champion nomawi humhim tur chuan a tawp rak thlenga kan beih a ngai dawn tih chu a chiang tawh. Kan match tin mai hi final ang mai a ni tawh a, tlawm a thiang tawh lo," a ti.

Pathianni zan dar 1:15 hian Juve hian table-a pangana AS Roma khel turin Stadio Olimpico panin chhuak dawn.