Benzema ṭan tu Trezeguet

France striker hlui David Trezeguet chuan kumina an ramin European Championship a thlen turah Real Madrid striker Karim Benzema chu an ram aiawh turin koh ngei ṭha a tih thu a sawi.

Benzema hi khelmual chhungah che ṭha rih hle mah se khelmual pawn lamah hming chhiatna a neih avangin French Football Federation chuan nikum December thla a
ṭang khan a hrem a ni.

France tana match 71 lai lo khel tawh tu Tre-zeguet chuan chuan, "Team pumpui kan thlir chuan Benzema hi kan ram hian a mawmawh a, tunlaiah phei chuan khawvela striker ṭha berte zinga mi a ni. French Football Federation hian Euro-a a inlan theihna tur kawng an siam sak ngei ka ring tlat," a ti.

Real Madrid coach Zinedine Zidane pawh in Benzema hian Euro 2016 chu khel ngei se a duh loh thu a lo sawi tawh bawk.