Sharapova 600=Not Out

Maria Sharapova chuan pro-fessional tennis a khelh chinah vawi 600 hnehna a chang tling ta. Nimin khan Lauren Davis hnehin Australian Open last 16 a inhlangkai.

Rod Laver Arena-a inkhelah seeded pangana Sharapova hian set khatna chu minute 26 chhungin 6-1 in awlsam takin la mah se set hnihna chu 6-7 in a hloh thung. Set hnuhnung berah erawh Russian star hian game khatmah hloh loin 6-0 in hnehna a chang ta tho a ni.

Kum 28-a upa Sharapova hian Grand Slam title panga a la tawh a, Australian Open bikah hian kum 2008 khan a lo champion tawh.

Inkhelh bana thuthar theh-darhtute zawhna chhangin Shara-pova chuan, "Grand Slam tournament third round-ah tunhma ka la tawn ngai loh nen kan in-hma-chhawn a, set ka hloh bawk avangin ka chiai hman ṭep. Mahse, set hnuhnung berah erawh ka duhthusam thlapin ka khel thei e. Match 600 hnehna ka chang thei hi ka lawm em em a, hetiang thleng tur chuan thawhrim a ngai. Amagerawhchu hei hian ka lo upa ve tawh hle tih min hriatchhuah tir," tiin fiamthu in a thusawi a ti tawp.

Sharapova hian kum 14 chhung professional tennis a khelh hun chhungin Grass (82), Clay (144), Hard (359) leh Carpet (15)-ah te hnehna a lo chang tawh a ni.