Fiorentina-ah Zarate a kal

West Ham striker Mauro Zarate chuan kum hnih leh a chanve cham turin Fiorentina a zawm. Kum 28-a upa man zat atana Italian club sum sen zat hi tarlan ni chiah lo mah se pound maktaduai 1.6 bawr vel a nih rin a ni.

Argentine striker hian season hmasa khan Upton Park-ah khelhna hmun a chan hleitheih loh avangin Queen Park Rangers chu loan-in a lo zawm tawh a, tun season-ah Hammers tan match 21 inlanin goal nga a khung.

Zarate chuan, "West Ham tana khelhna hun ṭha tak min siamsak avangin David Sullivan leh David Gold-te hnen-ah lawmthu ka sawi a, ka teammate-te hnenah hun hlimawm tak min hmanpui avangin lawm-thu ka sawi bawk. A bik takin Hammers fan-te mi in thlawp tlat ṭhin avang khan ka lawm em em a ni," tiin lawmthu a sawi.