Germany coach thar Nagelsmann

Germany chuan Julian Nagelsmann chu head coach atana an lakluh thu an puang a, kum 36 mi Nagelsmann hian nimin khan DFB-Campus, Frankfurt-ah July 31, 2024 thleng daih contract a ziak.

Germany hian Euro 2024 an thleng dawn a; Hoffenheim, RB Leipzig leh Bayern Munich enkawl tawhtu Nagelsmann tan chona lian tak a ni ang. October thla international break-ah Germany-in US an tlawh dawn a, United States leh Mexico nen friendly match an khel ang.