South Africa-in Nortje an telh lo

South Africa-in Cricket World Cup khel tur provisional squad an puang a, fast bowler Anrich Nortje a tel lo. Kum 29 mi Nortje hian a hnungah na a nei a, ngai a awh hman loh avangin October 5-a aṭanga India rama ṭan tur inelnaah hian a tel ve thei dawn lo a, World Cup hnuhnung berah pawh khan a tel tawh lo.

Fast bowler dang Sisanda Magala pawh inhliam vang thoin a inhnukdawk. South Africa hian tun thla tir khan Australia nen ODI series khelin match hmasa pahnihah chak lo mah se 3-2 in series an la. October 7, Inrinni hian Sri Lanka nen World Cup match hmasa ber an khel ang.

South Africa squad: Temba Bavuma (c), Gerald Coetzee, Quinton de Kock, Reeza Hendricks, Marco Jansen, Heinrich Klaasen, Keshav Maharaj, Aiden Markram, David Miller, Lungi Ngidi, Andile Phehlukwayo, Kagiso Rabada, Tabraiz Shamsi, Rassie van der Dussen, Lizaad Williams.