Warsaw lakah Villa an chesual

Aston Villa-in kum 13 hnuah European football an khel leh a, Conference League group match hmasa berah Legia Warsaw 3-2 in an hneh lo.

Polish Army Stadium-a inkhelah goal a lut hma a, Aston Villa hi siphurh suttu zel an ni. Warsaw tan Pawel Wszolek-a'n minute thumna lekah khungin Jhon Duran hmangin minute thum hnuah an sut.

Mualneituin Ernest Muci hmnagin minute 26-naah hma an hruai nawn a, Villa tlarhnung a pawp hle. English club hian Lucas Digne hmangin first half-ah (36') vek an sut leh tho. Warsaw tan Muci-a'n a goal hnihna leh chakna goal minute 56-naah a khung.

Villa an khel ṭha lo a, goalkeeper Emiliano Martinez khel ṭha lo phei se chuan goal tam zawk an chhuah thei ang. Unai Emery hote hian zanin dar 6:30 hian Chelsea an hmachhawn ang.