First Div-ah Bethlehem Derby

Aizawl DFA hnuaaia First Division inelnaah vawiin hian Bethlehem Derby hmuh a ni dawn. Vawiin chawhma dar 11:00-ah Bethlehem Vengthlang leh FC Bethlehem te an inkhel ang a, heta chak zawk hi league hmahruaitu tur an ni.

FC Bethlehem hi MPL aṭanga tla hlim an ni a, BVT hian fiahna hautak an paltlang nual ta bawk. First Division inelna tuipui pha chin tan chuan Bethlehem Derby hi a hmuhnawm ang. Inkhel dangah Dinthar FC leh Mission Veng te an inkhel dawn a, MPL champion hmasa ber Dinthar leh MSV te hian point sarih ve ve an hmuh avangin intum tawk viau tura ngaih an ni.

Tanhril FC leh Aizawl FC Academy te hi point la hmu lo an ni a, vawiin tlaia an inkhelh dawn avangin team pakhat zawk chuan point an hmu tawh dawn. First Division-ah hian team 10 an awm a, vawi khat ṭheuh an inkhelh chhuah hnuah a sang paliin semifinal an lut ang.