Mourinho leh United an indawr lo

Tun hnaiah Chel-sea manager hlui Jose Mourinho-a'n Man-chester United hnenah an club enkawl a chak thu lehkha a thawn nia sawi chu Mourinho agent Jorge Mendes chuan dawt muhlum mai a nih thu a sawi.

The Independent chanchinbu chuan nimin khan Portuguese manager hian United hruaitute hnenah phek ruka chhah lehkha a thawn niin an tarlang a, Real Madrid boss hlui hian United chu an talbuaina aṭanga a khai chhuah theih thu leh ruahmanna ṭha tak a neih thu Old Trafford hotute hnenah a thawn niin an ziak.

Mahse, Jorge Men-des chuan Mourinho-a'n United dawr zawk anga an sawi chu dawt muhlum mai a nih thu sawiin, "Mi zawng zawngin Jose Mourinho-a te ang coach hi chuan club ṭhenkhat enkawl chak vangin lehkha a thawn lo ang tih hi an hre vek a ni," a ti.

December thlaa Chelsea-in an ban tak Jose Mourinho hi club enkawl nei loin a la awm mek a, Louis Van Gaal-a enkawlna hnuaia talbuai tak Manchester United nen Portuguese manager ropui hi sawizawm mek an ni.