Chess Championship 2016 Mizo tlangval Zohmingliana pathumna

16th North Eastern States FIDE Rating Chess Cham-pionship 2016 chu 18-23 Ja-nuary 2016 chhung khan Electric Veng YMA Hall-ah neih a ni a, puitling category-ah Mizoram aṭanga tel Zo-hmingliana chu pathumna a ni.

Chess inelna neih zawh takah hian hmarchhak state pasarih aṭangin player 123 zet an inlan a, Mizoram pla--yer-ten result ṭha tak an nei. Under 13 boys-ah Lalruatdika, Under 15 boys-ah Lalremruata leh Under 15 girls-ah L.H. Zothanmawii te chu pakhatna an ni.

Puitling category-ah tiṭha 20 zingah Mizo player 13 an tling a. Assam aṭanga rawn kal Santunu Borpatra Gohain leh Singh Soram Rahul te chu pakhatna leh pahnihna an ni.

Kharna inkhawma khual-lian Health Minister Lal Thanzara chuan chess in-khelhna chu mihring finna, rilru leh ngaihtuahna hman nasat ngai leh nitin nunkawng atan pawha thil ṭangkai tak a nih thu a tarlang a. Khawvel huapa ranking siamtu FIDE (World Chess Federation) te nena Mizoram Chess Association-in tournament ropui leh hautak, hlawhtling taka an buatsaih thei chu lawmawm a tih thu a sawi bawk. Inelna hi FIDE Vice President Pu D.V. Sunder leh All India Chess Federation CEO Pu Bharat Singh Chauhan ten an telpui bawk.