Serie A Milan coach Mihajlovic a hrilhhai

AC Milan coach Sinisa Mihaj-lovic chuan point thum hmu thei dinhmuna an din laia point khat chauh an hlawh chhuak chuan a tih hrilhhai thu a sawi.

Inrinni zan Italian Serie A inkhelah Milan hian Carlos Bacca leh Giacomo Bonaventura-te hmangin ṭum hnih hma hruai mah se Empoli tan Piotr Zielinski leh Maccarone te chuan an siphurh an sut zo ve ve a, 2-2 in an inhnehtawk a ni.

Milan hi point 33 hmuin league table-ah parukna an ni mek a, hmahruaitu Napoli chu point 11 in an phak lo mek.

Milan coach Mihajlovic chuan, "Empoli khelmualah hnehna chan tumin kan leng lut a, ṭum hnih ngawt kan dinhmun kan siam
ṭha hman. Mahse kan fimkhur loh vangin goal kan chhuah zel a, point khatah kan lungawi a ṭul a, a hrilhhai thlak hle a ni," tiin an fimkhur tawk loh vanga chak zo lo an nih thu a sawi.