Mizoram team an rawn thleng

January 23, Inrinni khan RGKA National Level Rural Group-V Sports Competition-a Mizoram aiawha boxing, badminton leh table tennis telte an rawn thleng. Inelna hi January 16-19 chhung khan Chennai, Tamil Nadu-ah neih niin Mizoram aiawhte hian gold medal pahnih, silver medal pakhat leh bronze medal paruk an rawn hawn.

Boxing-ah mipa pariat leh hmeichhe pasarih te chu R.Lalbiaksangi (SYS coach) leh Ngaihawma Ngen-te, manager (MSSC) ten an hruai a, Lalrosangzuala (Hmunhmelṭha) leh Zoeng-mawia(Vairengte) ten gold medal lain Vanlalhriatkima'n silver medal a dawng a, Lalhriatpuii'n (Champhai) bronze medal a dawng bawk.

Badminton hi R. Lal-rin-puia (coach) leh Lal-hruaitluangi (manager) ten mipa panga leh hmeichhe pathum an hruai a. C. Lal-ruatdika (Kolasib), Abel Lalhmangaiha (Kolasib), Lalhmangaihzuala (Lawng-tlai), Lalruatpuia (Sihphir) leh Malsawmlawmpuia (Mamit) te'n bronze medal an la.

Table Tennis-ah erawh mipa pali leh hmeichhe pahnih kalin medal la pha an awm lo.