Djokovic-a'n quarter final a lut

Champion lai Navak Djokovic chuan a title hum-him turin Australian Open quarter final a in-hlangkai leh ta. Ni-min tlai khan inkhel inhnehtawk takah Gilles Simon chu 6-3, 6-7, 6-4, 4-6, 6-3 in a hneh.

Serbian thiampuipa Djokovic hian Rod La-ver Arena-ah hian dar-kar li leh minute 32 chhungin hnehna a chang a, quarter final-ah world number 7 Kei Nishikori a hmachhawn leh ang.

A zawna vawi 27 Grand Slam tour-na-ment-a quarter final lut thei Djokovic chuan, "Hnehna chang mah ila ka khelh danah insiam
ṭhat ngai ka ngah hle. A bik takin unforced error ka neih tlem a ngai," a ti.

Fourth round inkhelah Djokovic hian vawi 100 ngawt mai unforced error a nei a, first round, second round leh third round-a a neih belh khawm vawi 78 ai pawhin a tam fal hle a ni.

Nimin vek khan Nishi-kori chuan last 16 paltlang turin 2008 finalist Jo-Wilfried Tsonga chu 6-4, 6-2, 6-4 in a hneh ve bawk.

Japanese mipa zing-a Australian Open quar-terfinal inhlangkai thei hmasa ber Nishikori chuan, "Ka taksa a fit ṭha a, nuam ti takin ka inkhel thei. Grand Slam inelnaah straight set a hnehna chan hi chu a lawmawm bik hle," tiin a sawi.