Malaysia Masters champion PV Sindhu

25th January, 2016

Indian shuttler PV Sindhu chuan nimin khan a vawi hnih nan Malaysia Masters Grand Prix-ah a champion. Final-ah Scotland shuttler Kirsty Gilmour chu straight game-in a hneh.

Spice Stadium-a in-khelah seeded pa-thumna Sindhu hian 21-15, 21-9 in hnehna a chang a, lawmman a tan Rs 81,09,474 a dawng.

World number 12 Sindhu hian Grand Prix Gold title panga a lakna chiah a ni a, Malaysia-ah bik hian kum 2013 khan a lo champion tawh bawk. Nikum November thla khan a vawi thum nan Macau Open Grand Prix Gold-ah a lo champion tawh bawk a ni.