A ṭhiante ṭawngkam vanga rilru na Aubameyang

Tun hnaia African Player of the Year chawi-mawina dawngtu Pierre-Emerick Aubameyang chuan a chawimawina dawn chungchanga amah tluk lotu Yaya Toure
ṭawng-kam chuan a rilru a tihnat thu a sawi.

Manchester City mid--fielder Toure chuan Aubameyang-a chawi-mawina dawn chu thil awmze nei lo leh Africa khawmualpui tana mual-phona a nih thu a sawi a ni.

Toure hian nikum khan African Cup of Nations-ah Ivory Coast a champion pui a, African Player of the Year-ah erawh Gabonese striker hnuai chiahah hian awmin pathumna Ghana player Andre Ayew pawhin Aubameyang-a chawimawina dawn hi a sawisel. Player pahnihte ngaihdan chuan Africa khawmualpui inelnaa an ram chetṭhatpuitu player ngeiin African Player of the Year chawimawina hi dawng se tih a ni.

Bundesliga-a goal 18 khunga top scorer ni mek Aubameyang chuan, "Ka player pahnih puite thusawi avang hian ka rilru a na a, thil zahthlak tak a ni. Award hi African Cup of Nations chauh thlir chunga siam a ni lo a, kumtluana che ṭhate hnenah pek a ni," a ti.

African Player of the Year hi Africa khaw-mualpuia ram coach-te leh technical director-te'n an thlan a ni a, Aubameyang hian point 143 hmuin Toure-a'n point 136 a hmu a, a hnuai bera awm Swansea midfielder Ayew chuan point 112 a hmu thung.