Friendly match-ah player panga hnawt chhuak!

Inrinni zana Argentine club lian pahnih River Plate leh Boca Juniors-te'n friendly match an khelhah red card panga phawrh a ni a, 1-0 a River Plate chakna inkhelah hian inkhel boruak a sang hle.

Minute 78 an khelh thlen meuh chuan Boca Juniors lam hi player pariat chiahin an khel tawh. Jonathan Silva chu Boca tana a match hmasa berah Gabriel Mercado a nam avangin hnawhchhuah a ni a, Boca player dang Gino Peruzzi chu foul vanga hnawhchhuah ni bawkin Daniel Diaz chu referee a ṭawngkhum avangin hnawhchhuah a ni bawk.

River Plate lam pawh an awl bik lo. Jonathan Maidana chu a lua Carlos Tevez a tauh luih avangin hnawhchhuah a ni a, Leonardo Pisculichi chu buainaa a inrawlh avangin hun tawp thleng khelmual chhungah a hun a hmang hman bik lo.

Boca Juniors striker Tevez chuan, "A thiam zawk kan awm lo. Kan chet dan kha a zahpuiawm ve ve a ni," tiin Maidana nen an intauh buai chungchang a sawi.