Azarenka-i'n last 16 a paltlang

Australian Open khelh mekah ṭum hnih champion lo ni tawh Vic-toria Azarenka chuan nimin khan last 16 paltlang turin Barbora Strycova chu straight set-in a hneh.

Melbourne-ah seeded 14-na Azarenka hian Strycova hi 6-2, 6-4 in hneh--na a chang a, quar-terfinal-ah Angelique Kerber a hmachhawn leh ang.

Kum 26-a upa Aza-renka chuan, "A nihna takah chuan ka zam ve hle a ni. Strycova kha hmachhawn a harsa hle a, a ball vuak a nat bakah ka chak lohna lai a rawn hre fuh thei hle. Mipuiin champion turin min beisei vak lo tih ka hria, hei tak hi nuam ti tak leh lungkham nei lutuk loin ka inkhelh theih phah a ni," tiin a sawi.

Inkhel dangah ni-min vek khan Rod La-ver Arena-ah seeded pasarihna Kerber chuan Annika Beck lakah 6-4, 6-0 in hnehna a chang.

World number 1 Serena Williams leh world number 5 Maria Sharapova te chuan Inrinni khan last 16 hi an lo paltlang tawh a, player ropui pahnih te hi tukin dar 7:15 hian semifinal luh inchuhin an intum dawn a ni.