Mizo tamna Odisha an chak

ISL club-a Mizo tamna Odisha chuan September 23, Inrinni zan khan Chennaiyin FC chu 2-0 in an hneh. Kalinga Stadium, Bhubaneswar-a inkhelah Jerry Mawihmingthanga'n goal hmahruai a khung a, Diego Mauricio-a'n a khung belh.

Odisha tan hian Jerry Mawia bakah Jerry Lalrinzuala, Lalṭhathanga Khawlhring (Puitea) leh Isak Vanlalruatfela ten bul an ṭan. Mizo tlangvalten bul an ṭan ṭha a, Isak-a'n goal hma hruai khung thei lo mah se Jerry Mawia'n minute 45-naah box chhunga ball vir puiin mawi zetin a pet goal.

Inkhel dangah Mohun Bagan-in I League aṭanga ISL kai thar Punjab FC chu 3-1 in an hneh. Bagan tan Jason Cummings, Dimitri Petratos leh Manvir Singh ten goal an khung a, Punjab tana Luka Majcen-a goal khungin result a thlak pha lo.

Zanin dar 8:00 hian Salt Lake Stadium-ah East Bengal leh Jasmshedpur te an inkhel ang.