First Division inelna chhunzawm dawn

Aizawl DFA hnuaia First Division inelna chu vawiin hian RG Stadium-ah chhunzawm a ni dawn. First Division inelna Round 5 hi September 23, Inrinni khan Lammuala khelh tur ni mah se ground allotment fel loh vangin khelh theih a ni lo a, inkhelh hun sawn a ni ta zawk.

Inrinnia Bethlehem Derby khelh tur kha RG Stadium-ah vawiin hian khelh a ni zawk dawn a, Bethlehem VT FC leh FC Bethlehem te hi chawhhnu dar 2:00 hian an inkhel dawn. FCB leh BVT te hian point 10 ve ve an hmu a, heta chak zawk hi table chung berah an awm thei ang.