India-in Australia an hneh

Punjab Cricket Association Stadium-ah India-in Australia wicket ngain September 22, Zirtawpni khan an hneh a, nimin khan ODI series match thum khelh tura vawi hnihna chu Holkar Stadium, Indore-ah an khel lehnghal.

Ṭhumvawrah India an chak a, vawm hmasak an thlang. Opener Mitchell Marsch-a'n run khat chauh siam mah se top order dang David Warner (52), Steve Smith (41) leh Marnus Labuschagne (39) te an che chhe lo a, over 50-ah 276 an siam.

India tan chetsual theihna ni bawk mah se opener pahnih Ruturaj Gaikwad (71) leh Shubman Gill (74) te zarah harsatna hranpa nei loin target an umpha. Over 48.4-ah 281/5 runs siamin India-in hnehna an chang.