Vawiinah Second Division Semifinal

Aizawl DFA hnuai Second Division inelna Season Opening Tournament-ah team pali chiah an dam tawh a, vawiin hian RG Stadium-ah semifinal khelh a ni dawn. Chawhma dar 9:30-ah Tuithiang leh Saikhamakawn te an inkhel ang a, Armed Veng leh FC College Veng te chhun dar 12:30-ah an inkhel ve leh ang.

Tuithiang leh Armed Veng te hi playoff hmanga inpetling an ni a, Season Opening-a semifinal an lut nghal thei hi hlawhtlinna a ni. Chutihrualin Armed Veng erawh football thiam veng an ni ringawt lo a, season liam ta khan Second Division khel tawhin an relegate vanga playoff khel an ni thung.

FC College Veng hi nikum Third Division champion an ni a, kuminah erawh Third Division a awm tawh lo. Aizawl DFA hnuaiah hian Second Division team 16 bakah First Division team 10 an awm a ni.