Last 16-ah India an lut

Asian Games 2023 khelh laia mipa football inelna huangah India chuan last 16 an lut. Mizo tlangval Lalchungnunga telna India team hian Myanmar chu 1-1 in an inhnehtawk pui a, an mamawh zat point hmuin an tlang.

Pathianni zan tir inkhelah India tan captain Sunil Chhetri chuan goal a khung a, minute 23-naah Hein Zeyar Lin-a'n Rahim Ali a tih tluk avanga a penalty hlawh chu Chhetri hian a khung.

Myanmar tan bench aṭanga lut Kyaw Htwe chuan goal a khung ve thung, an chak zawh loh avangin anni chuan knockout stage an lut phak ve ta lo. Group A aṭangin India leh hmahruaitu China an tlang a ni.

Igor Stimac-a enkawl India team hian an match hmasa berah China chu 5-1 in an hneh lo, a hnuah Bangladesh 1-0 in an hneh, an group match hnuhnung berah hian beisei la nei ve tho nen inkhelin a dinhmun ṭha zawkah an ṭang.