Kan beidawng lo - Poch

Chelsea an chak hleithei lo a, tun season Premier League match vawi ruk an khel tawhah vawi khat chiah an la chak. Blues manager Mauricio Pochettino chuan an beidawn loh thu a sawi.

Blues hian an mikhual Aston Villa chu 1-0 in an hneh lo. Minute 58-naah defender Malo Gusto chu hnawhchhuah a ni a, player tam zawk an nih hnuah Villa lamin striker Ollie Watkins hmanga goal khungin chak nan a tawk.

Chelsea manager Pochettino chuan, "Kan team hi kan beidawng ngai lo, boruak hi a rang thei ang bera siam danglam turin kan bei ang. Ka naute hian danglamna thlen ngei an tum a, chumi tur chuan an bei hram hram.

"Goal khung thei turin remchang pawh kan insiam hnem, mahse kan khung thei tlat lo. Goal khung tuma kan beihna nasatzia leh theihtawp kan chhuahna kha chu sawi nep theih a ni lo ang," tiin a sawi.