India tan gold medal pathum

Asia khawmualpui ramte infiamna khawmpui lian Asian Games 2023-ah nimin tlai thleng khan India chuan gold medal pathum an la tawh a, a thlengtu China chuan gold medal 45 teh meuh an la tawh thung.

India tan hian mipa 10m air rifle huangah Aishwary Pratap Singh, Divyansh Singh Panwar leh Rudrankksh Patil te chuan gold medal hmasa ber lain, nimin chhun khan hmeichhe cricket team chuan Sri Lanka chu run 19 a hnehin an champion.

Cricket leh shooting huanga hlawhtlinna an chan hnuah, nimin khan Equestrian Dressage team chuan gold medal an hlawh chhuak. Sakawr chung chuan intihsiaknaah hian kum 41 hnua India a hlawhtlin vawi khatna a ni hial.