Final-ah Zverev a lut

Tennis inelna Chengdu Open khelh laiah Alexander Zverev chuan final a lut, semifinal inkhel hmuhnawm takah German tlangval hian seeded pathumna Grigor Dimitrov chu 6-3, 7-6 (2) in a hneh.

Semifinal inkhel dangah Roman Safiullin-a chuan seeded pahnihna Lorenzo Musetti 6-3, 6-4 in a hneh ve thung, nizan khan final khelh chhunzawm nghal niin chanchin buatsaih laiin result kan hre hman lo.

Kum 26 mi Zverev hi player ṭha leh theihna nei sang zinga mi a ni, mahse Grand Slam nomawi a la chawi lo - nizana final an khelh kha vawi 21 final a khelh tlinna chiah a ni a, a chak a nih chuan atan season tawp lam boruak siam ṭhatna a ni thei ang.