Kolkata-ah goal a lut lo

Thawhlehni zana Indian Super League inkhelah East Bengal leh Jamshedpur an intawng a, 0-0 in team pahnih an inhnehtawk - he inkhelah hian Kolkata club tan Vanlalpeka Guite chu bench aṭanga luhtir a ni a, Khawzawl rawlthar tan ISL-a a match hmasa ber a ni.

East Bengal hian Sentea bakah Lalchungnunga chu Mizo player an kawl a ni a, mahse, Durtlang tlangval Chungnunga hi India tan Asian Games khela a zinchhuah avangin a club tan a la inlan thei lo.

Jamshedpur lamah PC Laldinpuia chuan inkhel bul a ṭan a, Ricky Lallawmawma'n bul ṭan lo mah se minute 87-naah bench aṭanga luhtir a ni thung.

Zanin ISL-ah match khat a awm leh dawn a, Lalrinliana Hnamte khelhna Mohun Bagan chuan zan dar 8:00-ah Bengaluru FC an mikhual ang - Bangalore club-ah hian midfielder Lalremtluanga Fanai chu Mizo player an kawl a ni.