Bengaluru-in sumdawngte an pui dawn

Indian Super League club Bengaluru FC chuan Covid-19 vanga sumdawnna lama buai mek te pui turin hmalakna an nei dawn a, an hmalakna hi a hmingah #BackOnOurFeet (kan tho leh dawn) tih 

an phuah. Bengaluru hmalakna hi BFC media leh social media lam buaipuitute ruahmannaa kalpui a ni a, Bengaluru khawpuia restaurant leh lehkhabu zawrhna dawr thlengin he hmalakna hmang hian an pui dawn a ni. 

ISL club hian an ruahman dan chuan heng inbiakna an neihpui dawr te hi social media leh media hrang hrang hmangin an tih lar sak dawn a, fans mai ni loin Bengaluru khawpuia mipuiten an hriat theihna turin video shooting thlenga tihsakin hma an la dawn. Hei mai hi a ni lo. Bengaluru player-te chuan heng dawr leh restaurant te hi an tlawh ang a, an bungrua te lei sakin an chawl ang a, fan-te hmaah dawra an thil lei leh ei te an fak zui dawn a ni.