Kar sawm chhung chawl tur de Bruyne

League Cup semifinal-a Manchester City-in Everton an hneh ṭuma inhliam City midfielder Kevin de Bruyne chuan a khup dinglam hliam avangin kar sawm chhung tal a chawlh tur thu a sawi.

Kum 24-a upa winger hi a sawi anga kar sawm vel a chawl a nih chuan City tan match 12 vel a inlan thei dawn lo tihna a ni a, inkhel pawimawh zingah February 28-a Liverpool nen League Cup final an khelh hunah te, Champions League last-16 a Dynamo Kiev nen an inhmachhawn hunah te, March 20-a Manchester derby-ah te a inlan thei lo ang.

Tun season-a City tana goal 12 khung tawh De Bruyne-a agent Patrick de Koster chuan, "Kevin hian a tih theih awmchhun chu rim taka beih a nih thu min hrilh a, a hliam vang hian a lunghnur em em a ni," a ti.

Manchester City hian In-rinni zan dar 8:30-ah Aston Villa chu FA Cup fourth round khel turin Villa Park-ah an lenchilh ang.