Kan insiam ṭhat nghal a ṭul - Mancini

Inter Milan manager Roberto Mancini chuan Coppa Italia semifinal first leg-a Juventus 3-0 ngawta an hneh lohna chu insiam ṭhat nghal an ngaih thu a sawi.

Pathianni zan dar 1:15 hian Serie A-ah Milan derby en tur a awm dawn a, AC Milan leh Inter chu San Siro Stadium-ah an inhmachhawn dawn a ni.

Italian manager Man-cini chuan, "Juve lakah result duhawm lo tak kan nei zo chiah a, inkhel hautak tak kan hmachawn zui dawn. Team puitling leh ṭha kan ni em tih fiahna hun tur a ni ang. Chetsual chang chu awm mah se a rang thei ang berin kan insiam ṭhat nghal a ṭul," a ti.

Tun season league match 21 khelh tawh a-ṭang-in mualneitu lama ṭang tur Milan hian point 33 an hmu tawh a, khelh zat inangah Inter hian point 41 an hmu thung.

Serie A-ah Milan leh Inter hi vawi 31 champion tawh Juventus tih lohah chuan record nei ṭha ber an ni a, vawi 18 ve ve an champion tawh. Mahse an pahnih hian season li zet chu an champion tawh lo a ni.