Spanish Cup semifinal-ah Valencia

Gary Neville-a en-kawl Valencia chuan Copa del Rey semifinal an lut a, Ningani zan khan khualmualah Las Palmas chu Rodrigo goal khung hmangin 1-0 in an hneh.

Valencia leh Las Pal-mas hi quarterfinal first leg-ah goal khat ve ve khungin an lo inhnehtawk tawh a, inkhel pahnih belhkhawmah Valencia hi 2-1 in a chungnung zawkah an ṭang ta a ni.

December thlaa Va-lencia enkawl ṭantu Neville-a'n Spanish club a enkawl hnuah league match-ah chak hmel la hmu lo mah se Spanish Cup-ah erawh vawi li chak hmel a hmuhpui tawh.

Ningani zana Spanish Cup quarterfinal inkhel dangah Sevilla chuan 3-0 in second division club Mirandes an hneh bawk a, inkhel hmasa nena belhkhawmin 5-0 in a chak zawkah an ṭang.