Venghlui FC an champion

Aizawl DFA buatsaih second division club-te inelnaah nimin khan Venghlui FC chuan 1st MAP Academy chu penalty shootout-a hneh-in an champion.

Lammuala final in-hnehtawk takah 1st MAP Academy-in minute 14-na leka Laldinpuia goal hmangin hma an hruai a, Venghlui FC-in Lalremruata hmangin an sut a, extra time thlengin goal a luh belh tawh lo.

Penalty shootout-ah Venghlui FC an vannei a, 7-6 in hnehna an chang. Lalmalsawma enkawlna hnuai khel Venghlui FC hi Season Opening Tournament final-ah BS Farm, Dawrpui hneh loin an lo vanduai tawh a, tun ṭumah erawh an vanneih ṭum a inher chhuak ta. Aizawl DFA hian Season Ending Tournament an buatsaih lo a nih chuan Venghlui FC leh BS Farm, Dawrpui te hi season thara First Division khel turin an tling ang.

Third Division in-el-naah Sihphir Venghlun chuan minute 39-naa Fran-cis Thanbanglova goal hmangin Model Veng FC chu 1-0 in an hneh a, an champion.

ADFA Inelna Thlirna Tawi

II Division

1st MAP Academy 1 - 1 Venghlui FC

Penaltyshootout-ah Venghlui FC 7-6 in an chak

1st MAP Academy : Laldinpuia 14'

Venghlui : Lalremruata 22'

Fair Play : Venghlui FC

Top Scorer : Lalremruata, Venghlui (8 Goals)

Best Player : Lalremruata, Venghlui

III Division

Sihphir Venghlun FC 1 - 0 Model Veng FC

Sihphir Venghlun : Francis Thanbanglova 39'

Fair Play : Model Veng FC

Top Scorer : B. Lalngaihsaka,

Zemabawk North FC (7 Goals)

Best Player : JH Lianzuala, Sihphir Venghlun FC