Mizoram team pahnihin RGKA football final lut

Rajiv Gandhi Khel Abhiyan hnuaia khelh National Level Sports Com-petition football-ah Mizo-ram mipa leh hmeichhe team-in final an lut.

Pondicherry-a neih mek inelnaah hian Mizoram U16 football mipa team chuan nimin chawhma lam khan Mani-pur chu Anthony Van-lalfela leh R. Lal-nunmawia te goal hmang-in 2-0 in an hneh a, semifinal an lut.

Semifinal hi nimin vek khan tlai lamah khelh nghal niin Mizoram hian West Bengal chu R. Lalhriatzuala goal hmang-in 1-0 in an hneh. Vawiin lamah final an khel dawn a, Tripura nen final an khel ang - Mizo-ram mipa team hi coach Vanromawia hoa chhuak an ni.

Hmeichhe lamah pawh Mizoram team-in final an lut a, Coach Lizzy Lalhmingsangi kaihhruai Mizoram U16 hmeichhe teamin quarter-final-ah Kerala chu hun pangngaiah goal awm loin an draw a, penalty shootout-ah 3-2 in an chak.

Nimin tlai semifinal-ah Mizoram hian Madhya Pradesh chu 1-0 in an hneh a, vawiin tlai dar 2:30 ah Haryana nen final an khel ang.