Twenty20 series-ah India chak

ODI series-a an mualpho hnuin Twenty20 series-ah erawh India an mualpho nawn duh lo a, nimin khan an match hnihnaah Australia chu run 27-in an hneh leh ta.

Twenty20 series hi match thum khelh tur a a ni a, match hmasa berah India hian hnehna an lo chan tawh avangin Pathiannia match tawp berah Australia lo chak ta pawh nise India hi 2-1 in an chak thei dawn tho a ni.

Melbourne Cricket Ground (MCG), Melbourne-a inkhelah India hi bat hmasa zawkah an ṭang a, over 20-ah run 184 vaw chhuakin mi pathum an hloh.

Indian batsman zingah ball 47 a hmachhawna run 60 vaw chhuaktu Rohit Sharma a khel ṭha a, run 42 siamtu Shikhar Dhawan leh ball 33-a hmachhawna run 59 vaw chhuaka a tawp thleng dam Virat Kohli-te'n an pui ṭha hle bawk.

Australia tan run 74 vaw chhuaktu Aaron Finch khel ṭha hle mah se a ṭhiante'n an pui ṭha tawk lo a, Australia-in over 20-ah run 157 chiah vaw chhuakin mi pariat an hloh a ni.