Vidic a chawl ta

Manchester United captain hlui Nemanja Vidic chuan kum 34 leka upa ni chungin football a chawlhsan thu a puang.

Old Trafford-a kum riat a cham chhunga Premier League nomawi panga leh Champions League nomawi chawitu defender hian a hliam vanga football chawlhsan a nih thu a sawi.

Man United tana match 298 inlan thei Serbian defender hian tun thla tir khan a club khelhna Inter Milan chu inhriatthiam tawnnain a chhuahsan a, Serie A club tan hian tun season-ah a la inlan miah lo a ni.

July 2014-a Inter Milan zawmtu defender chuan, "Football ka chawlhsan hun chu a lo thleng ta. Tun hnaia ka hliam neih fote hian min tibuai em em a, he thutlukna hi ka siam a ngaih phah ta a ni," a ti.