Barcelona khelmualah Atletico

Zanin dar 8:30-ah Atletico Madrid-in Bar-celona an lenchilh dawn a, La Liga hmahruaitu nih inchuhna inkhel a ni dawn. Barcelona tan Atletico tlanchhiatsanna remchang a ni dawn a, Diego Simeone-a naute tan Barca elpha turin chak a ngai thung.

Barcelona hian La Liga-ah point 48 hmuin hma an hruai mek a, an hnuai chiaha awm Atletico Madrid hian khelh khata khel tam zawk nichungin point 48 tho an hmu.

Atletico midfielder Gabi chuan, "Spanish Cup quarterfinal aṭanga tla hlim kan nih avangin kan rilru a na a, hrehawm kan ti hle. Mahse, kan tana pawimawh ber erawh Barca kan hma-chhawn huna a ṭha thei ang bera khelh a ni a, team lian tak lakah kan rilru thawidamna hun ṭha kan nei dawn a ni," tiin Nou Camp-ah tlawm a tum lo.

Barcelona midfielder Atletico tana khel ṭhin Arda Turan chuan a team hlui hmachhawn chu a chak tawh thu leh a tan chuan match danglam bik tak a nih tur thu a sawi bawk.

Pathianni zan dar 1:00-ah hian Real Madrid chu league match khel turin an inlan dawn bawk a, San--tiago Bernabeu-ah Es-panyol an mikhual dawn a ni.