Vawiinah II Division Final 1st Bn MAP Academy Vs Venghlui FC

Vawiin hian Aizawl DFA hnuaia second division leh third division inelna final chu Lammualah khelh a ni dawn. Chawhnu dar 1:30-ah 1st Bn MAP Academy leh Venghlui FC ten second division final an khel leh ang a, chawhma dar 11:00-ah Sihphir Venghlun FC leh Model FC ten third divi-sion final an khel bawk ang.

1st Bn MAP Academy-in final lut turin Mission Vengthlang FC chu penalty shootout-ah an hneh a, Kolasib goalkeeper Lalrinchhana chu chhandamtu a ni. Police Academy tan hian Thingsul midfielder Isak Lalruatfela chu substitute
aṭanga game thlaktu a ni a, final-ah pawh player ṭangkai a ni ang.

Police Academy coach R. Lalramhluna chuan, "Kan player-te an la naupan deuh avangin champion tura indah chu a har khawp mai. Venghlui hian Police Academy aṭanga chhuak pathum lai an kawl a, a ṭawng pawr theih loh. Kan duh ber chu Aizawl DFA hian Season ending tournament buatsaih leh se tih hi a ni," tiin Vanglaini palai a hrilh.

Second division aṭangin team pahnihin first division an lut dawn a, Season ending tournament a awm lo a nih chuan point 15 hmu tawh BS Farm, Dawrpui-in first division an lut chiang ang a, vawiina chak zawk zawk hian BS Farm hnung an zui ang.

Season opening tourna-ment-a finalist Venghlui FC-in Police Academy chhuak for-ward Lalremruata, MPL3 U17 best midfielder KC Zothanchama leh defender Rohlupuia bakah Chanmari West defender Malsawmzuala (Mastea) te an kawl a, cham-pion turin an inringtawk hle.

Venghlui FC coach Lal-mal-sawma chuan, "Kan player-te hi second divi-sion atan chuan an ṭha tawk a, kan champion ngei theih ka ring. Season Opening-ah khan BS Farm, Dawrpui lakah final-ah kan vanduai a, tun ṭumah erawh champion ngei kan tum dawn," tiin a sawi.

Venghlui FC boss Sawmtea hi inhliam vangin a inkhel zui thei ta lo a, a inkhelh hun laiin midfielder ṭha tak niin SAIL Academy chhuak a ni. Sawmtea hian Kolkata club
ṭha Chirag United tan captain armband a hreng tawh a, Aryan Club tan a khel tawh bawk.