Vawiinah Aizawl FC Vs East Bengal

29th January, 2016

I League Under 18-ah Aizawl FC-in an match hmasa berah Royal Wahingdoh an draw a, vawiin tlai dar 2:15 hian inelna thlengtu East Bengal an hmachhawn dawn.

Aizawl FC assistant coach H. Lalnunzira chuan, "Kan harsatna ber chu khelmual ṭha lo hi a ni. Royal Wahingdoh kan khelh ṭum pawhin field vangin kan buai phah a, East Bengal kan tum hunah erawh kan vawi hnih khelhna a ni tawh dawn a, kan insiamrem theih ka beisei a, kan chak ngei pawh ka ring," tiin Vanglaini palai a hrilh.

Aizawl FC hi Group B-ah an awm a, Group A lamah Mizo naupang an tam hle. AIFF Academy-ah Mizo pali Edmund Lalrindika, Jerry Lal-rinzuala, Zonunmawia leh C. Lalengzama te an awm a, chawhma dar 10:15 hian Mizo pakaw awmna DSK Shivajians an hmachhawn ang.

DSK-ah hian C. Lal-lianzuala, Jerry Mawi-hmingthanga, K. Lal-
ṭhathanga (Puitea), Vanlalremkima, Sai-ruatkima, Lalnunsiama, Lalruatpuia, Jesse Laldin-puia leh Lalliansanga (Notea) te an awm a, Zo United forward Notea hi document fel loh vangin a inlan ve thei dawn lo.