Sunderland defender thar Kone

Premier League mawng-phah lama talbuai mek Sunderland chuan an tlarhnung tichak turin French club Lorient
aṭangin defender Lamine Kone an la lut.

Kum 26-a upa de-fender hian Stadium of Light-ah hian kum li leh a chanve cham turin contract a ziak a, a man zata atana Black Cats in sen zat tarlan ni lo mah se pound maktaduai ruk vel ni tura ngaih a ni.

Sunderland manager Sam Allardyce chuan, "Player lian leh chak
ṭha tak a ni a, Premier League-a central defender tur chuan ani ang hi an
ṭha a ni," tiin a player thar chungchanga sawi.

Allardyce chuan sawi chhunzawmin, "Kan tlarhnung tihphui hmasak hi kan thupui a ni a, Lamine hi a inkhel ka hmuh hmasak ber aṭangin ṭha ka ti nghal a ni," a ti.

January transfer-ah Sunderland-in player pali an lakluhna a ni a, Kone hma hian keeper Steve Har-per, striker Dame N'Doye leh defender Jan Kir-chhoff-te an la lut tawh a ni.