Sindhu a chak nghal

Syed Modi Inter-national Badminton tournament-ah champion lai Saina Nehwal chu hliam vangin inlan thei lo mah se Indian shuttler dang P V Sindhu leh K Srikanth te erawhin an match hmasa berah hnehna an chang nghal.

Nilaizan khan Babu Banarasi Das Indoor Stadium-ah seeded pa-thumna Sindhu chuan Mukherjee Riya lakah 21-6, 21-7 in hnehna a chang a, Thailand shuttler Nitchaon Jindapo a hmachhawn leh ang.

Mipa single-ah Sri-kanth a chak nuamsa hle a, Iran shuttler Vatannejad Soroush Eskandari lakah minute 18 chhung lekin 21-4, 21-10 in hnehna a chang bawk a ni. Second round-ah Joo Ven Soong a hmachhawn zui dawn.

Inkhel dangah seeded palina Kashyap pawn hnehna a chang ve a, minute 27 chhungin Oscar Bansal chu 21-18, 21-11 in a hneh a ni.