Galatasaray-ah Sneijder a hlim - agent

Europe-a football thuneitu sang UEFA chuan Turkish club Galatasaray chu European competition-a inlan thei lo turin hrem mah se an player duh lai Wesley Sneijder-a'n a club chu chhuahsan a tum loh thu a agent Guido Albers-a'n a sawi.

Netherlands international hian Turkish club hi a chhuahsan dawn nia sawi thawm a awm a, sum tamna hmun China a pan dawn niin thuthang a awm bawk.

Mahse, Sneijder hmalam hun sawiin Albers chuan, "Tun din-hmuah Sneijder hi Istanbul-ah hian a hlim a, chhuah tumna a nei lo. Thuthang leng vel awm
ṭhin mah se a dik vek lo a, China
aṭangin sawmna pawh a la hmu lo," tiin a player chu a chhuah loh tur thu a sawi.